- Джолунга кёре – джюрюшюнг, джагъанга кёре – юлюшюнг.
- Адамны сыфатына къарама, сёзюне къара.
- Къуру гыбыт бек дыгъырдар.
- Эрине къаргъыш этген къатын, эрнин къабар.
- Джолда аягъынга сакъ бол, ушакъда тилинге сакъ бол.
- Ач уят къоймаз.
- Айтылгъан сёз ызына къайтмаз.
- Аманнга алтын чыдамаз.
- Аман хансны – урлугъу кёб.
- Къарт айтханны этмеген, къартаймаз.
- Сёз къанатсыз учар.
- Тели турса – той бузар.
- Байлыкъ тауусулур, билим тауусулмаз.
- Джашлыкъ этмеген, башлыкъ этмез.
- Къатын къылыкъсыз, эр тынчлыкъсыз.
- Къалгъан ишге къар джауар.
- Сыфатында болмагъаны, суратында болмаз.
- Тойгъа барсанг, тоюб бар, эски тонунгу къоюб бар.
- Уллу къашыкъ эрин джыртар.
- Чабакъ башындан чирийди.
- Джюрек кёзден алгъа кёрюр.
- Кимни – тили, тиши онглу, кимни – къолу, иши онглу.
- Кечеси – аяз, кюню – къыш, джарлы къаргъагъа бир аш тюш!
- Туз, гырджын аша, тюзлюк бла джаша.
- Арбаз къынгырды да, ийнек сауалмайма.
- Ишлегенден, къарагъан уста.
- Кёлсюзден сёзсюз тууар.
- Къонакъны къачан кетерин сорма, къачан келлигин сор.
- Таугъа чыгъаллыкъ эсенг, тюзде къалма.
- Уллу къазанда бишген эт, чий къалмаз.
- Къозулугъунда тоймагъан, къойлугъунда тоймаз.
- Ышармагъан – кюлмез, кюлмеген – къууанчны билмез.
- Суу ичген шауданынга тюкюрме.
- Тил – кесген бычакъ, сёз – атылгъан окъ.
- Арыгъан къош чамчы болур.
- Ашын ашагъанынгы, башын да сыйла.
- Ач келгенни – тойдур, кеч келгенни – къондур.
- Тили узунну, намысы – къысха.
- Чыкълы кюнде чыкъмагъан, чыкъса къуру кирмеген.
- Бир абыннган – минг сюрюнюр.
- Эл элде бирер малынг болгъандан эсе, бирер тенгинг болсун.
- Тенгни тенглиги джашай барсанг билинир.
- Кирсизни – саны таза, халалны – къаны таза.
- Уллу атлама – абынырса, уллу къабма – къарылырса.
- Дженгил джетерикме деб, узун джолну къоюб, къысхасын барма.
- Ариу сёз аурууунгу алыр.
- Билим – акъылны чырагъы.
- Ёнгкюч къууана барыр, джылай келир.
- Тилчи бир сагъатха айлыкъ хата этер.
- Ариу сёз джыланны орнундан чыгъарыр.
ДЖИРИКОВЫ (КБР И КЧР) ОТЗОВИТЕСЬ
18.07.2010 15:04:43
ПРИВЕТ! МЕНЯ ЗОВУТ ДЖИРИКОВА ЗУХРА. ХОТЕЛОСЬ БЫ НАЙТИ СВОИХ РОДСТВЕННИКОВ И ОДНОФАМИЛЬЦЕВ. НАС МАЛО, НО МЫ-СИЛА!
|
|
|
|
Читают тему (гостей: 1)