- Эли джокъну – кёлю джокъ.
- Ач – эснер, ат – кишнер.
- Байлыкъдан саулукъ ашхыды.
- Кютгени беш эчки, сызгъыргъаны уа, джерни джарады.
- Биреуню эскиси биреуге джангы болмайды.
- Игини сыйлагъан адетди.
- Туз, гырджын аша, тюзлюк бла джаша.
- Сормай – алма, чакъырылмай – барма.
- Айраннга суу къош, телиге джол бош.
- Ачыкъ джюрекге джол – ачыкъ.
- Айтылгъан сёз ызына къайтмаз.
- Агъач халкъгъа алтынды, иссиликге салкъынды.
- Кёл – къызбай, къол – батыр.
- Эрине къаргъыш этген къатын, эрнин къабар.
- Aдам боллукъ, сыфатындан белгили.
- Аллахдан тилесенг, кёб тиле.
- Чомартха хар кюн да байрамды.
- Къызгъанчдан ычхыныр, мухардан ычхынмаз.
- Къан бла кирген, джан бла чыгъар.
- Джангыз торгъай джырламаз.
- Кюн кёрмеген, кюн кёрсе, кюндюз чыракъ джандырыр.
- Адам сёзге тынгыла, акъыл сёзню ангыла.
- Къонакъ болсанг, ийнакъ бол.
- Ишни ахырын ойламай, аллын башлама.
- Сабий кёргенин унутмаз.
- Зарда марда джокъ.
- Бети бедерден, намыс сакълама.
- Тёзген – тёш ашар!
- Сакъ юйюне сау барыр.
- Аман адам этегингден тутса, кес да къач.
- Къонакъны къачан кетерин сорма, къачан келлигин сор.
- Баш – акъыл ючюн, акъылман – халкъ ючюн.
- Ата Джуртуму башы болмасам да, босагъасында ташы болайым.
- Джаш къарыу бла кючлю, къарт акъыл бла кючлю.
- Кенгеш болса, уруш болмаз.
- Ишге юренсин къоллары, халкъ бла болсун джоллары.
- Дуния аламаты сен эсенг да, игиме деб айтма.
- Джигер – джаннга къыйынлыкъ.
- Чомарт къонакъ юй иесин сыйлар.
- Айранны сюйген, ийнек тутар.
- Кёз – сюйген джерде, къол – ауругъан джерде.
- Ата Джуртча джер болмаз, туугъан элча эл болмаз.
- Кийимни бичсенг, кенг бич, тар этген къыйын тюлдю.
- Байлыкъ келсе, акъыл кетер.
- Ашхы – джыяр, аман – джояр.
- Орундукъ тюбюнде атылсам да, орта джиликме, де да айлан.
- Ариу джол аджал келтирмез.
- Аман адам элни бир-бирине джау этер.
- Чыбыкълыкъда бюгюлмеген, къазыкълыкъда бюгюлмей эди.
- Айтханы чапыракъдан ётмеген.
Рулеты из лаваша
Читают тему (гостей: 1)