- Ашлыкъны арба юйге келтирир, чана базаргъа элтир.
- Аджалсыз ёлюм болмаз.
- Эри аманны, къатыны – аман.
- Баш болса, бёрк табылыр.
- Джыгъылгъанны сырты джерден тоймаз.
- Эки элинги тыйсанг, джети элде махталырса.
- Къарын къуру болса, джюрек уру болур.
- Арбаз сайлама да, хоншу сайла.
- Намысы джокъну – дуниясы джокъ.
- Борчунг бар эсе, хурджунунга ойлаб узал.
- Джашны джигитлиги сорулур, къызны джигерлиги сорулур.
- Кечеси – аяз, кюню – къыш, джарлы къаргъагъа бир аш тюш!
- Дуния малгъа сатылма, кесингден телиге къатылма.
- Чакъырылмагъан къонакъ тёрге атламаз.
- Дженгил джетерикме деб, узун джолну къоюб, къысхасын барма.
- Эм ашхы къайын ана мамукъ бла башынгы тешер.
- Илму – джашауну джолу.
- Ариу сёзде ауруу джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Атадан ёксюз – бир ёксюз, анадан ёксюз – эки ёксюз.
- Сормай – алма, чакъырылмай – барма.
- Тилчиден кери бол.
- Тили узунну, намысы – къысха.
- Эте билген, этген этеди, эте билмеген, юретген этеди!
- Ётюрюкчюню шагъаты – къатында.
- Аджашханны ызындагъы кёреди, джангылгъанны джанындагъы биледи.
- Билим ат болуб да чабар, къуш болуб да учар.
- Тик ёргени, тик энгишгеси да болады.
- Байлыкъ тауусулур, билим тауусулмаз.
- Экеу тутушса, биреу джыгъылыр.
- Къонакъ болсанг, ийнакъ бол.
- Къыз тиширыу кеси юйюнде да къонакъды.
- Намыс сатылыб алынмайды.
- Джангыз терек къынгыр ёсер.
- Иги адамны бир сёзю эки болмаз.
- Игилик игилик бла сингдирилиучю затды.
- Сакъалы текени да бар, мыйыгъы киштикни да бар.
- Байлыкъ болгъан джерде, тынчлыкъ джокъду.
- Джарлы эскисин джамаса, къууаныр.
- Этек чакъмакълары баш джаргъан, сёлешген сёзлери таш джаргъан.
- Уясында не кёрсе, учханында аны этер.
- Босагъагъа джууукъ орун болса, ашыгъыб тёрге озма.
- Башланнган иш битер, къымылдагъан тиш тюшер.
- Ётген ёмюр – акъгъан суу.
- Джуртун къоругъан озар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Окъугъан – асыу, окъумагъан – джарсыу.
- Халкъны юйю – туугъан джери.
- Биреуге кёлтюрген таягъынг, кесинги башынга урур.
- Кёб ант этген, кёб ётюрюк айтыр.
[ Закрыто ] Как выводить пятна
Читают тему (гостей: 1)