- Урама да – ёледи, сатама да – келеди.
- Джаханимни кёрмей, джандетге кёл салмазса.
- Зарда марда джокъ.
- Джылар джаш, атасыны сакъалы бла ойнар.
- Рысхысына кёре, джаш ёсер, къышлыгъына кёре, мал ёсер.
- Ёзденликни джайгъан – джокълукъ.
- Юйюнгден чыкъдынг – кюнюнгден чыкъдынг.
- Сакъламагъан затынга джолукъсанг, не бек къууанаса, не бек ачыйса.
- Тенгни тенглиги джашай барсанг билинир.
- Адам къыйынлыгъын кёлтюрюр, зауукълугъун кёлтюрмез.
- Шапа кёб болса, аш татымсыз болур.
- Уллу атлама – абынырса, уллу къабма – къарылырса.
- Аш хазыр болса, иш харам болур.
- Уллу къазанда бишген эт, чий къалмаз.
- Адебсиз адам – джюгенсиз ат.
- Ётюрюк хапар аякъ тюбю бла джюрюйдю.
- Элиб деген, элге болушур.
- Минг тенг да азды, бир джау да кёбдю.
- Ач уят къоймаз.
- Къоркъакъны кёзю экили кёрюр.
- Хар зат кесини орнуна иги.
- Сормай – алма, чакъырылмай – барма.
- Ишин билген, аны сыйын чыгъарады.
- Билеги кючлю, бирни джыгъар, билими кючлю, мингни джыгъар.
- Билмегенинги, билгеннге сор.
- Къарт бла баш аша, джаш бла аякъ аша.
- Хунаны тюбюн къазсанг, юсюнге ауар.
- Баш болса, бёрк табылыр.
- Кийиминг бла танылма, адамлыкъ бла таныл.
- Адамны сыфатына къарама, сёзюне къара.
- Къыйынлы джети элге оноу этер.
- Ач келгенни – тойдур, кеч келгенни – къондур.
- Акъыллы айтыр эди, акъылсыз къоймайды.
- Гитче джилтин уллу элни джандырыр.
- Тёрени джагъы джокъ.
- Тамчы таш тешер.
- Эркишиге тары кебек танг кёрюнюр.
- Атлыны ашхысы, ат тизгининден билинир
- Ишлегенде эринме, ишде чолакъ кёрюнме.
- Кёзюнде тереги болгъан, чёбю болгъаннга кюле эди.
- Бети къызарыучу адамны, джюреги харам болмаз.
- Уллу къашыкъ эрин джыртар.
- Тил бла келеди джыр да.
- Аш кетер да бет къалыр.
- Хансыз джомакъ болмаз.
- Биреуню тёрюнден, кесинги эшик артынг игиди.
- Кесине гебен этелмеген, биреуге черен эте эди.
- Намыс сатылыб алынмайды.
- Этни да ашады, бетни да ашады.
- Хантына кёре тузу, юйюне кёре къызы.
[ Закрыто ] ПРАВОСЛАВНЫЕ КАРАЧАЕВО-БАЛКАРЦЫ
Читают тему (гостей: 1)