- Тилчи бир сагъатха айлыкъ хата этер.
- Джашлыкъ этмеген, башлыкъ этмез.
- Акъыллы айтыр эди, акъылсыз къоймайды.
- Байны оноуу, джарлыгъа джарамаз.
- Чомарт бергенин айтмаз.
- Эрине къаргъыш этген къатын, эрнин къабар.
- Ат басханны джер билед.
- Сормай – алма, чакъырылмай – барма.
- Телиге акъыл салгъандан эсе, ёлгеннге джан салырса.
- Джети тилни билген джети кишиди.
- Сёз садакъдан кючлюдю.
- Аш кетер да бет къалыр.
- Элиб деген, элге болушур.
- Мен да «сен», дейме, сен да «кесим», дейсе.
- Билим ат болуб да чабар, къуш болуб да учар.
- Халкъны джырын джырласанг, халкъ санга эжиу этер.
- Танг атмайма десе да, кюн къоярыкъ тюйюлдю.
- Джыгъылгъанны сырты джерден тоймаз.
- Къазанны башы ачыкъ болса, итге уят керекди.
- Эринчекге кюн узун.
- Туз, гырджын аша, тюзлюк бла джаша.
- Джолда аягъынга сакъ бол, ушакъда тилинге сакъ бол.
- Адам сёзге тынгыла, акъыл сёзню ангыла.
- Ашхы тенг джолгъа салыр, аман тенг джолдан тайдырыр.
- Аман хансны – урлугъу кёб.
- Чомартха хар кюн да байрамды.
- Юй ишлеген балта эшикде къалыр.
- Борчунг бар эсе, хурджунунга ойлаб узал.
- Аманны тукъумуна къарама, игини тукъумун сорма.
- Агъач халкъгъа алтынды, иссиликге салкъынды.
- Кёрмегеннге кебек – танг, битмегеннге сакъал – танг.
- Джыланны къуйругъундан басарынг келсе, аны башы болгъанын унутма.
- Акъыл бла адеб эгизледиле.
- Кечеси – аяз, кюню – къыш, джарлы къаргъагъа бир аш тюш!
- Рысхы джалгъанды: келген да этер, кетген да этер.
- Чомарт къолда мал къалмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Ач къалгъандан, кеч къалгъан къолай.
- Джюрек кёзден алгъа кёрюр.
- Къарнынг бла ёч алма.
- Арбаз къынгырды да, ийнек сауалмайма.
- Ауругъаннга – кийик саулукъ, джетген къызгъа – чилле джаулукъ.
- Къонакъ болсанг, ийнакъ бол.
- Ойнаб айтсанг да, эслеб айт.
- Бермеген къол, алмайды.
- Азыкълы ат арымаз, къатыны аман джарымаз.
- Ётген ёмюр – акъгъан суу.
- Таукелге нюр джауар.
- Адамны адамлыгъы къыйынлыкъда айгъакъланады.
- Акъыл къартда, джашда тюйюлдю – башдады.
Видеостудия Эльбрусоида. Технические вопросы.
30.08.2011 00:59:29
не голосую, т.к. ни в один из пунктов не ...понимаю)))
|
|
|
|
Читают тему (гостей: 1)