- Адамны бетине къарама, адетине къара.
- Алгъанда – джууукъ, бергенде – джау.
- Ата Джуртуму башы болмасам да, босагъасында ташы болайым.
- Къуру гыбыт бек дыгъырдар.
- Намыс сатылыб алынмайды.
- Атынг аманнга чыкъгъандан эсе, джанынг тамагъынгдан чыкъсын.
- Ашлыкъны арба юйге келтирир, чана базаргъа элтир.
- Башынга джетмегенни сорма.
- Джуртун къоругъан озар.
- Къозулугъунда тоймагъан, къойлугъунда тоймаз.
- Минг тенг да азды, бир джау да кёбдю.
- Баланы адам этген анады.
- Ишлегенден, къарагъан уста.
- Эл тойса, тоймагъан, эл къойса, къоймагъан.
- Джашда акъыл джокъ, къартда къарыу джокъ.
- Кёпюр салгъан кеси ётер, уру къазгъан кеси кетер.
- Уллу сёзде уят джокъ.
- Бир онгсуз адам адет чыгъарды, деб эштирик тюлсе.
- Игилик игилик бла сингдирилиучю затды.
- Босагъагъа джууукъ орун болса, ашыгъыб тёрге озма.
- Эркишиге тары кебек танг кёрюнюр.
- Тыш элде солтан болгъандан эсе, кесинги элде олтан болгъан игиди!
- Келинин тута билмеген, къул этер, къызын тута билмеген, тул этер.
- Адебсиз адам – джюгенсиз ат.
- Мухардан ач ычхынмаз.
- Къаллай салам берсенг, аллай джууаб алырса.
- Иши джокъну, сыйы джокъ.
- Азыгъы аз, алгъа къабар, аты аман, алгъа чабар.
- Къумурсхала джыйылсала, пилни да джыгъадыла.
- Тойчу джашха къарама, къойчу джашха къара.
- Айраннга суу къош, телиге джол бош.
- Билимден уллу байлыкъ джокъду.
- Бойнуму джети джерден кессенг да, мен ол ишни этеллик тюлме.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къызны минг тилер, бир алыр.
- Шайтан алдады, тюзлюк къаргъады.
- Ашаса, ашамаса да, бёрюню ауузу – къан.
- Соргъан айыб тюлдю, билмеген айыбды.
- Рысхысына кёре, джаш ёсер, къышлыгъына кёре, мал ёсер.
- Ашда уялгъан – мухар, ишде уялгъан – хомух.
- Билим насыб берир, билим джолну керир.
- Чёбню кёлтюрсенг, тюбюнден сёз чыгъар.
- Садакъачыны джаны – къапчыгъында.
- Сакъламагъан затынга джолукъсанг, не бек къууанаса, не бек ачыйса.
- Аман адам элни бир-бирине джау этер.
- Аджал соруб келмез, келсе, къайтыб кетмез.
- Билими азны – ауузунда кирит.
- Къарын къуру болса, джюрек уру болур.
- Уллу къашыкъ эрин джыртар.
- Адам къаллай бир ишленмесе, аллай бир кесин уллу кёреди.
силовой тренинг, единоборства, самозащита, здоровье.....
|
спасибо, интересные сайты, прочитал с удовольствием, буду еще заглядывать))
|
||||
|
|
|
|||
Читают тему (гостей: 1)