- Джаш болсун, къыз болсун, акъылы, саны тюз болсун.
- Айырылгъанланы айю ашар, бёлюннгенлени бёрю ашар.
- Эки элинги тыйсанг, джети элде махталырса.
- Билмейме деген – бир сёз
- Ишни ахырын ойламай, аллын башлама.
- Уллу къашыкъ эрин джыртар.
- Онгсузну – джакъла, тенгликни – сакъла.
- Джаным-тиним – окъуу, билим.
- Ач отунчуну ачыуу – бурнунда.
- Сютню башын джалагъан къутулур, тюбюн ичген тутулур.
- Аз сёлешген, къайгъысыз турур.
- Айтханы чапыракъдан ётмеген.
- Ачыкъ джюрекге джол – ачыкъ.
- Ёгюзню мюйюзюнден тутадыла, адамны сёзюнден тутадыла.
- Ашыкъгъан cуу, тенгизге джетмез.
- Кёкдеги болмаса, джердегин кёрмейди.
- Болджал ишни бёрю ашар.
- Ёлюк кебинсиз къалмаз.
- Тешигини къатында, чычхан да батыр болур.
- Ётген ёмюр – акъгъан суу.
- Атлыны ашхысы, ат тизгининден билинир
- Адебни адебсизден юрен.
- Нёгерсизни джолу узун.
- Айран ичген – къутулду, джугъусун джалагъан – тутулду.
- Мал тутхан – май джалар.
- Итли къонакъ джарашмаз.
- Тас болгъан бычакъны сабы – алтын.
- Къартны бурнун сюрт да, оноугъа тут.
- Кийимни бичсенг, кенг бич, тар этген къыйын тюлдю.
- Сормай – алма, чакъырылмай – барма.
- Къартха ушагъан джаш – акъыллы, джашха ушагъан къарт – тели.
- Мал кёб болса, джууукъ кёб болур.
- Къанны къан бла джуума, аманны аман бла къуума.
- Эллинг бла джау болсанг да, юйюнг бла джау болма.
- Тенгни тенглиги джашай барсанг билинир.
- Байдан умут эте, джарлыдан ёгюз багъасы къорады.
- Джангыз терек къынгыр ёсер.
- Айранны сюйген, ийнек тутар.
- Ариу джол аджал келтирмез.
- Аманны эки битли тону болур, бирин сеннге кийдирир, бирин кеси киер.
- Аман адамны тепсинге олтуртсанг, къызынгы тилер.
- Малны кют, джерни тюрт.
- Кюлме джашха – келир башха.
- Адеби болмагъан къыз – тузсуз хант.
- Къар – келтирди, суу – элтди.
- Къызын тута билмеген, тул этер, джашын тута билмеген, къул этер.
- Сууда джау джокъ, кёб сёзде магъана джокъ.
- Къан бла кирген, джан бла чыгъар.
- Келлик заман – къартлыкъ келтирир, кетген заман – джашлыкъ ёлтюрюр.
- Мени джылытмагъан кюн, меннге тиймесин!
Орайда (с) Магомет Хубиев
27.08.2011 00:37:31
ALANULAN
Увар кимди?))) |
|
|
|
17.09.2011 21:33:19
??
|
|
|
|
17.09.2011 21:33:51
Кстати тираж автора мизерный
|
||||
|
|
|||
Читают тему (гостей: 1)