Расширенный поиск
25 Августа  2019 года
Логин: Регистрация
Пароль: Забыли пароль?
  • Минг тенг да азды, бир джау да кёбдю.
  • Болджал ишни бёрю ашар.
  • Ашда – бёрю, ишде – ёлю.
  • Айтхан – тынч, этген – къыйын.
  • Кёб къычыргъандан – къоркъма, тынч олтургъандан – къоркъ.
  • Джаз бир кюнню джатсанг, къыш талай кюнню абынырса.
  • Терслик кетер, тюзлюк джетер.
  • Къатыны харакетли болса, эри къымсыз болур.
  • Кесинге джетмегенни, кёб сёлешме.
  • Алтыннга тот къонмаз.
  • Билим къая тешер.
  • Къазанчы аман болса, къазаны къайнамаз.
  • Къонакъ аман болса, къонакъбай джунчур
  • Эртде тургъан бла эртде юйленнген сокъуранмаз.
  • Тыш элде солтан болгъандан эсе, кесинги элде олтан болгъан игиди!
  • Ишни ахырын ойламай, аллын башлама.
  • Чабар ат – джетген къыз.
  • Уллу къашыкъ эрин джыртар.
  • Ачылгъан эт джабылыр, кёрген кёз унутмаз.
  • Ичимден чыкъды хата, къайры барайым сата?
  • Джюрекден джюрекге джол барды.
  • Кёзюнде тереги болгъан, чёбю болгъаннга кюле эди.
  • Баш – акъыл ючюн, акъылман – халкъ ючюн.
  • Элде адам къалмаса, ит тахтагъа минер.
  • Чакъырылмагъан къонакъ къачан кетерин сормаз.
  • Адебсиз адам – джюгенсиз ат.
  • Акъыл неден да кючлюдю.
  • Шапа кёб болса, аш татымсыз болур.
  • Баланы адам этген анады.
  • Джылкъыдан – ат чыгъар, тукъумдан – джаш чыгъар.
  • Джылар джаш, атасыны сакъалы бла ойнар.
  • Адеб этмеген, адеб кёрмез.
  • Джарашыу сюйген – джалынчакъ.
  • Итли къонакъ джарашмаз.
  • Тойгъа барсанг, тоюб бар, эски тонунгу къоюб бар.
  • Кёрмегеннге кебек – танг, битмегеннге сакъал – танг.
  • Къозулугъунда тоймагъан, къойлугъунда тоймаз.
  • Сабий болмагъан джерде, мёлек болмаз.
  • Айтылгъан буйрукъ, сёгюлмез
  • Аман хансны – урлугъу кёб.
  • Сангырау къулакъ эл бузар.
  • Аманнга да, игиге да оноусуз къатышма.
  • Тай асырагъан, атха минер.
  • Ушамагъан – джукъмаз.
  • Ата Джуртун танымагъан, атасын да танымаз.
  • Татлы тилде – сёз ариу, чемер къолда – иш ариу.
  • Къыйынлы джети элни къайгъысын этер.
  • Адам боллукъ, атламындан белгили болур.
  • Аманны тукъумуна къарама, игини тукъумун сорма.
  • Ётюрюкчюню шагъаты – къатында.