Расширенный поиск
16 Июля  2019 года
Логин: Регистрация
Пароль: Забыли пароль?
  • Дуния аламаты сен эсенг да, игиме деб айтма.
  • Кюн кёрмеген, кюн кёрсе, кюндюз чыракъ джандырыр.
  • Акъыл бла адеб эгизледиле.
  • Сууда джау джокъ, кёб сёзде магъана джокъ.
  • Чыбыкълыкъда бюгюлмеген, къазыкълыкъда бюгюлмей эди.
  • Тулпарлыкъ, билекден тюл – джюрекден.
  • Джолунга кёре – джюрюшюнг, джагъанга кёре – юлюшюнг.
  • Арба аугъандан сора, джол кёргюзтюучю кёб болур.
  • Таугъа чыгъаллыкъ эсенг, тюзде къалма.
  • Минг тенг да азды, бир джау да кёбдю.
  • Игиге айтсанг – билир, аманнга айтсанг – кюлюр.
  • Къыйынлы джети элге оноу этер.
  • Кёлю джокъну – джолу джокъ.
  • Чабакъгъа акъыл, табагъа тюшсе келеди.
  • Окъугъан озар, окъумагъан тозар.
  • Ач – эснер, ат – кишнер.
  • Орну джокъну – сыйы джокъ.
  • Айраннга суу къош, телиге джол бош.
  • Ашыкъгъанны этеги бутуна чырмалыр.
  • Чомарт къонакъ юй иесин сыйлар.
  • Къонакъ болсанг, ийнакъ бол.
  • Ёлген ийнек сютлю болур.
  • Рысхы – сют юсюнде кёмюк кибикди.
  • Джыйырма къойну юч джыйырма эбзе кюте эди.
  • Термилгенинги табмазса, кюлгенинге тюберсе.
  • Байлыкъдан саулукъ ашхыды.
  • Азыкъ аз болса, эртде орун сал.
  • Къанны къан бла джуума, аманны аман бла къуума.
  • Ауузу аманнга «иги», деме.
  • Аджал соруб келмез, келсе, къайтыб кетмез.
  • Эте билген, этген этеди, эте билмеген, юретген этеди!
  • Уллу къашыкъ эрин джыртар.
  • Огъурлуну сёзю – суу, огъурсузну сёзю – уу.
  • Тюзлюк шохлукъну бегитир.
  • Суу кетер, таш къалыр.
  • Адеб базарда сатылмаз.
  • Ана – юйню кюн джарыгъы.
  • Ачыкъ джюрекге джол – ачыкъ.
  • Бетинги сатма, малынгы сат.
  • Билмегенинги, билгеннге сор.
  • Сабий кёргенин унутмаз.
  • Ичимден чыкъды хата, къайры барайым сата?
  • Суу да къайтады чыкъгъан джерине.
  • Байны къызы баймакъ болса да, юйде къалмаз!
  • Къыз тиширыу кеси юйюнде да къонакъды.
  • Тенгни тенглиги джашай барсанг билинир.
  • Байдан умут эте, джарлыдан ёгюз багъасы къорады.
  • Сескекли кесин билдирир.
  • Тынгылагъан тынгы бузар.
  • Ата Джуртуму башы болмасам да, босагъасында ташы болайым.