Песен: 16 Создан:
06.05.2015 Обновлен:
06.05.2015
| 30 Ноября | 2023 года |
Навигация
- Эрни эр этерик да, къара джер этерик да, тиширыуду.
- Тау башында, тау болмаз, джангыз терек, бау болмаз.
- Ётюрюкчюню шагъаты – къатында.
- Къыйынлы джети элге оноу этер.
- Джолда аягъынга сакъ бол, ушакъда тилинге сакъ бол.
- Айырылмаз джууугъунга, унутмаз сёзню айтма.
- Ат да турмайды бир териде.
- Нафысынгы айтханын этме, намысынгы айтханын эт.
- От кюйдюрген, сау болса да, тот кюйдюрген, сау болмаз.
- Ачыкъ джюрекге джол – ачыкъ.
- Бет бетге къараса, бет да джерге къарар.
- Эки къатын алгъанны къулагъы тынгнгаймаз.
- Джаш болсун, къыз болсун, акъылы, саны тюз болсун.
- Адамны сыфатына къарама, сёзюне къара.
- Чакъырылгъанны аты, чакъырылмагъанны багъасы болур.
- Аман адам этегингден тутса, кес да къач.
- Иги сеники эсе да, сюйген кесимикин этеме.
- Эр абынмай, эл танымаз.
- Баш – акъыл ючюн, акъылман – халкъ ючюн.
- Тойгъандан сора, ашны сёкме.
- Олтуруб кёрюнмей эди да, ёрге туруб кёрюне эди.
- Къатын байлыкъны сюер, эр саулукъну сюер.
- Хатерли къул болур.
- Халкъны джырын джырласанг, халкъ санга эжиу этер.
- Акъыллы – эл иеси, тели – эл баласы.
- Джашлыкъ этмеген, башлыкъ этмез.
- Джашынгы кесинг юретмесенг, джашау юретир.
- Бир абыннган – минг сюрюнюр.
- Кийимни бир кюнню аясанг, минг кюннге джарар.
- Чабакъсыз кёлге къармакъ салгъанлыкъгъа, чабакъ тутмазса.
- Намыс болмагъан джерде, насыб болмаз.
- Мени джылытмагъан кюн, меннге тиймесин!
- Шайтан алдады, тюзлюк къаргъады.
- Адамны артындан къара сабан сюрме.
- Ишлерге уял да, ашаргъа табма.
- Аз сёлеш, кёб ишле.
- Ёгюзню мюйюзюнден тутадыла, адамны сёзюнден тутадыла.
- Уруну арты – къуру.
- Тойгъан антын унутур.
- Къайтырыкъ эшигинги, къаты уруб чыкъма.
- Ишни ахырын ойламай, аллын башлама.
- Аман киши кеси юйюнде – къонакъ.
- Къумурсхала джыйылсала, пилни да джыгъадыла.
- Зар адам ашынгы ашар, кесинги сатар.
- Иги болса, тамадама – махтау, аман болса, меннге – айыб.
- Сабий болмагъан джерде, мёлек болмаз.
- Бал чибинни ургъаны – ачы, балы – татлы.
- Хантына кёре тузу, юйюне кёре къызы.
- Ашыкъгъан cуу, тенгизге джетмез.
- Ашхы болсанг, атынг чыгъар, аман болсанг, джанынг чыгъар.
Фонд содействия развитию карачаево-балкарской молодежи «Эльбрусоид»
© 2003-2023 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
