Песен: 16 Создан:
06.05.2015 Обновлен:
06.05.2015
| 23 Апреля | 2024 года |
Навигация
- Сёз садакъдан кючлюдю.
- Хазыр ашха – терен къашыкъ.
- Кечеси – аяз, кюню – къыш, джарлы къаргъагъа бир аш тюш!
- Экиндини кеч къылсанг, чабыб джетер ашхам.
- Ёнгкюч къууана барыр, джылай келир.
- Джангыз терек къынгыр ёсер.
- Телиге акъыл салгъандан эсе, ёлгеннге джан салырса.
- Къонакъ аман болса, къонакъбай джунчур
- Келлик заман – къартлыкъ келтирир, кетген заман – джашлыкъ ёлтюрюр.
- Къарт болгъан джерде, берекет болур, сабий болгъан джерде, оюн болур.
- Адамны артындан къара сабан сюрме.
- Намыс болмагъан джерде, насыб болмаз.
- Ач отунчуну ачыуу – бурнунда.
- Уллу атлама – абынырса, уллу къабма – къарылырса.
- Адамны сыфатына къарама, сёзюне къара.
- Хоншуну тауугъу къаз кёрюнюр, келини къыз кёрюнюр.
- Ашарыкъда сайлагъаннга – чий гырджын.
- Аурууну келиую тынч, кетиую – къыйын.
- Малны кют, джерни тюрт.
- Телини эшигин, махтау джабар.
- Джаралыны джастыгъында сау ёлюр.
- Ётюрюкню къуйругъу – бир тутум.
- Къызбайны юйюне дери сюрсенг, батыр болур.
- Ётюрюкчюню шагъаты – къатында.
- Ишлерге уял да, ашаргъа табма.
- Кенгеш болса, уруш болмаз.
- Суу ичген шауданынга тюкюрме.
- Чабакъсыз кёлге къармакъ салгъанлыкъгъа, чабакъ тутмазса.
- Кимни – тили, тиши онглу, кимни – къолу, иши онглу.
- Джаш болсун, къыз болсун, акъылы, саны тюз болсун.
- Ёгюзню мюйюзюнден тутадыла, адамны сёзюнден тутадыла.
- Рысхысына кёре, джаш ёсер, къышлыгъына кёре, мал ёсер.
- Атлыны кёрсе, джаяуну буту талыр.
- Кёрмегеннге кебек – танг, битмегеннге сакъал – танг.
- Эртде тургъан джылкъычыны эркек аты тай табар.
- Сабийни джумушха джибер да, ызындан бар.
- Ёксюзню къалачы уллу кёрюнюр.
- Тойну къарнашы – харс, джырны къарнашы – эжиу.
- Джырчы джырчыгъа – къарнаш.
- Сагъыш – къартлыкъгъа сюйюмчю.
- Джан саулукъ бермей, сан саулукъ бермезсе.
- Зар адам ашынгы ашар, кесинги сатар.
- Баш болса, бёрк табылыр.
- Къарнынг къанлынга кийирир.
- Джюрекден джюрекге джол барды.
- Ауузу бла къуш тута айланады.
- Къыйынлы джети элге оноу этер.
- Акъыл къартда, джашда тюйюлдю – башдады.
- Биреуге аманлыкъ этиб, кесинге игилик табмазса.
- Бек анасы джыламаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
