Расширенный поиск
17 Ноября  2018 года
Логин: Регистрация
Пароль: Забыли пароль?
  • Орну джокъну – сыйы джокъ.
  • Ёлген эшек бёрюден къоркъмайды.
  • Къууут – джелге, берне – бошха.
  • Бал – татлы, балдан да бала – татлы.
  • Адеби болмагъан къыз – тузсуз хант.
  • Ёлген ийнек сютлю болур.
  • Тойгъан антын унутур.
  • Дженгил джетерикме деб, узун джолну къоюб, къысхасын барма.
  • Къолунгдан къуймакъ ашатсанг да, атаны борчундан къутулмазса.
  • Уллу суу бла уллу ауруудан башынгы сакъла.
  • Сакъламагъан затынга джолукъсанг, не бек къууанаса, не бек ачыйса.
  • Таукел адам тау тешер.
  • Джиби бир къат джетмей эди да, эки къат тарта эди.
  • Хар ишни да аллы къыйынды.
  • Биреуге аманлыкъ этиб, кесинге игилик табмазса.
  • Джыгъылгъанны сырты джерден тоймаз.
  • Джюрек кёзден алгъа кёрюр.
  • Рысхы джалгъанды: келген да этер, кетген да этер.
  • Къарны аманнга къазан такъдырма, къолу аманнга от джакъдырма.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Къалгъан ишге къар джауар.
  • Келинни – келгинчи, бёркню кийгинчи кёр.
  • Эм ашхы къайын ана мамукъ бла башынгы тешер.
  • Кёзю сокъурдан – къоркъма, кёлю сокъурдан – къоркъ.
  • Къатын байлыкъны сюер, эр саулукъну сюер.
  • Адамны адамлыгъы къыйынлыкъда айгъакъланады.
  • Хунаны тюбюн къазсанг, юсюнге ауар.
  • Мухар, кеси тойса да, кёзю тоймаз.
  • Сибиртки да сыйлы болду, кюрек да кюнлю болду.
  • Соргъан айыб тюлдю, билмеген айыбды.
  • Намыс сатылыб алынмайды.
  • Къарнынг тойгъунчу аша да, белинг талгъынчы ишле.
  • Айранны сюйген, ийнек тутар.
  • Игини сыйлагъан адетди.
  • Джарлы эскисин джамаса, къууаныр.
  • Билимсиз иш бармаз.
  • Сескекли кесин билдирир.
  • Керилген да, ургъан кибикди.
  • Баланы адам этген анады.
  • Чакъырылмагъан джерге барма, чакъырылгъан джерден къалма.
  • Кесине гебен этелмеген, биреуге черен эте эди.
  • Ач отунчуну ачыуу – бурнунда.
  • Аш кетер да бет къалыр.
  • Ауругъаннга – кийик саулукъ, джетген къызгъа – чилле джаулукъ.
  • Махтаннган къыз, тойда джукълар.
  • Экеу тутушса, биреу джыгъылыр.
  • Башы джабылгъан челекге, кир тюшмез.
  • Къызны минг тилер, бир алыр.
  • Джолда аягъынга сакъ бол, ушакъда тилинге сакъ бол.
  • Эшекни не къадар тюйсенг да, ат болмаз.
Translit

01.01.1970 0
(Нет голосов)

  • Нравится