Расширенный поиск
26 Июня  2019 года
Логин: Регистрация
Пароль: Забыли пароль?
  • Кёл – къызбай, къол – батыр.
  • Экиндини кеч къылсанг, чабыб джетер ашхам.
  • Бермеген къол, алмайды.
  • Келинни – келгинчи, бёркню кийгинчи кёр.
  • Джол бла сёзню къыйыры джокъ.
  • Аман къатын алгъан, арыр, иги къатын алгъан джарыр.
  • Окъумагъан сокъурду, сокъур ташха абыныр!
  • Биреуге аманлыкъ этиб, кесинге игилик табмазса.
  • Телиге акъыл салгъандан эсе, ёлгеннге джан салырса.
  • Адам къыйынлыгъын кёлтюрюр, зауукълугъун кёлтюрмез.
  • Эшекге миннген – биринчи айыб, андан джыгъылгъан – экинчи айыб.
  • Ким бла джюрюсенг, аны кёзю бла кёрюнюрсе.
  • Ашда – бёрю, ишде – ёлю.
  • Бет бетге къараса, бет да джерге къарар.
  • Къайгъыны сюйген, къайгъы табар.
  • Чалманны аллы къалай башланса, арты да алай барады.
  • Итли къонакъ джарашмаз.
  • Кюн – узун, ёмюр – къысха.
  • Ашыкъгъан cуу, тенгизге джетмез.
  • Уруну арты – къуру.
  • Айырылгъанланы айю ашар, бёлюннгенлени бёрю ашар.
  • Джылар джаш, атасыны сакъалы бла ойнар.
  • Керек ташны ауурлугъу джокъ.
  • Чоюнну башы ачыкъ болса, итге уят керекди.
  • Мадар болса, къадар болур.
  • Тойгъан антын унутур.
  • Чабакъгъа акъыл, табагъа тюшсе келеди.
  • Накъырданы арты керти болур.
  • Къобан да къуру да къобханлай турмайды, адам да къуру да патчахлай турмайды.
  • Хар сёзню орну барды.
  • Эри аманны, къатыны – аман.
  • Тилчи бир сагъатха айлыкъ хата этер.
  • Рысхы – сют юсюнде кёмюк кибикди.
  • Ариуну – ауруу кёб.
  • Борчунг бар эсе, хурджунунга ойлаб узал.
  • Хантына кёре тузу, юйюне кёре къызы.
  • Дуния малгъа сатылма, кесингден телиге къатылма.
  • От кюйдюрген, сау болса да, тот кюйдюрген, сау болмаз.
  • Къарны аманнга къазан такъдырма, къолу аманнга от джакъдырма.
  • Мухардан ач ычхынмаз.
  • Нёгерсизни джолу узун.
  • Босагъагъа джууукъ орун болса, ашыгъыб тёрге озма.
  • Сёз къанатсыз учар.
  • Къолу уллу – асыу, аягъы уллу – джарсыу.
  • Къызын тута билмеген, тул этер, джашын тута билмеген, къул этер.
  • Тили узунну, намысы – къысха.
  • Чомарт бергенин айтмаз.
  • Бичгенде ашыкъма, тикгенде ашыкъ.
  • Алгъанда – джууукъ, бергенде – джау.
  • Билеги кючлю, бирни джыгъар, билими кючлю, мингни джыгъар.

Новые статьи

следующие 5 предыдущие 5